قصيدة بقلم رانية قدورة- سورية

بأيام كانت كلها خوف
قتل و خراب و جنون
رحلة حملتني لأرض مش بعيدة
حكمها زمان توت عنخ آمون
لقيت حالي بين شلة صبايا 
من كل بلد و من كل لون
الكل غريب و ما بيجمعنا
غير الوجع ببلدنا الحنون
و بلحظة سريعة ما أخدت كتير
اتلفتت حواليا و شفت المضمون
شفت تونس عم تضحكلي 
و برشا نحبك .. قالتلي ياها بعيون
مليانة حب و دفا و جمال
كريمة وآية و فريال و أمّون
و ارجعت عم دور بعيون الصبايا 
عن شي غريب أو سر مكنون
حضتني أم الدنيا بكل الدفا
و قالتلي لا تخافي .. وجعك وجعي .. أزمة و بتهون
و حكتلي قصص نضال و كفاح 
علسان دعاء و نعمة و دندون
و شدت عإيدي لتقويني و تهمسلي
أماني و رولا و أسما الحنون
معاكي نحنا .. فاطمة خلود إسراء و رضوى 
الوجع واحد و السكين مسنون
عرقبتنا جاهز ليوئد الصبية
بس كلنا سوا و من الرب العون
و أجت اليمن لتخبرني حكايات
شي بيضحك و شي بيدمع العيون
حكتلي سها قصص ما بانساها
و وميض شكلتهن بحركات جنون
و السودان .. يا عيني عليكي يا السودان
بنات الكبرياء و الحق المصون
مها و راما و جيهان و معاهن
سناء بكلامها الواعي الموزون
و بلاد الأجداد كان ألها مكان
بالقلب ساكن و بسحر مفتون
و بنات الشام رندة و ندوش
بيرفعوا الراس و بينحطوا بالعيون
غمضت و حكيت شوي مع حالي 
قلت نحنا عرب بس تاريخنا مجنون
و حاضرنا يمكن أسوأ و مليان بالدم
بس بنضل عم نحاول نفتح العيون
جيهان وروا .. إيزابيل و شينا .. 
ناجية و فاتو عطوني حكمة .. جمعتها سنون
مو مهم عرب إسلام والا مسيحية
المهم إنسان و حرية و قانون
و ب your fatwa doesn’t apply here
ختمتها الرائعة كريمة بنت بنون

رانية قدورة  عضو ملتقى "سوريات يصنعن السلام" وقد شاركت في ورشة العمل اقامتها WLUML في القاهرة تحت عنوان تمكين المرأة والقيادة النسوية